சுதந்திரதின கொண்டாட்டம்

சாதிச் சண்டையில் நூறு பேர் பலி
இளம்பெண் கற்பழித்துக் கொலை
வீட்டில் புகுந்து துணிகரக் கொள்ளை
லஞ்ச ஊழலில் அதிகாரி கைது
குப்பைத் தொட்டியில் வீசப்பட்ட குழந்தை
கடன் தொல்லையால் தற்கொலை
டீக்கடையில் அரிவாள் வெட்டு

அடச்சே

சுதந்திரதின சிறப்புத் திரைப்படங்கள்
விமர்சனம் படிக்கலாம் என‌
நாளிதழ் படிக்கையில் எவ்வளவு இம்சைகள்.

படம் பார்க்காமல் எப்படிக் கொண்டாடுவது.

நயன்தாராவின் நயமான பேட்டி
எதில் வருகிறது எனத் தெரியவில்லையே.
அந்தகோ. என்னவொரு கொடுமை.

சுதந்திரம் கிடைத்துதான் என்ன பயன்.